Aktuelles

ESTERA

•Me sem i Estera, si man 10 bersha thaj sigo si te kerav 11 bersha. Me avav andar i Rumunia, kothe biandilem, kothe si man mi baba, me dajakiri phen, me dajakiri kumnata, me dajakoro phral mulo… leski romni beshalas kathe andi Germania haj vov mulo… Miro kher si andi Rumunia, kothe beshav mire babasa… si maj mandro ando Fântânele. Miri baba ni avel mande kathe, toke me dzav late… Man si man toke jekh phral maj baro, si les 15 bersha thaj kerel 16 ande oktomvri 26. Mire maj lachhe amalina si i Ana, i Raisa, von si kathe ando Berlinos. Sas man vi andi Rumunia duj amalina… I maj lachhi, i maj lachhi amalin miri si i Ana… Me kamav te aresav doktorica ko spitalo. Me, i Ana thaj i Raisa mangas te aresas doktorices… Mangav te makhav, te xramosarav… Me dav duma romanes me dajasa, kadja sar dav duma tusa, romanes, ki shkola dav duma germanikanes, thaj andi Rumunia mire phurjasa sa romanes dav duma, na dzanav me mishto rumunikanes… xatjarav … Tu aviljan maj anglal amende ko blokos thaj pal kodo andjan amen ko ofiso kathe. Aver ni keras, beshas amenge ando kher, maj dzas zalaga anglal o blokos haj pal kodo palem ando kher… ke na-i kaj te dzas averkhanikaj… Anglal o viruso sa ando kher beshasas… numaj tu inkaldjan amen te phiras, dzi akana nana inkljasas amen avri, vaj inkljasas ama na beshasas but avri ke na-i amen so te keras thaj na-i kaj te dzas, dzi ko gunoja haj dzi okote pale, haj si dzungales… O Berlino chaljol man, ama na shukar de tot, kamav ande Romania me babate, me amalinkende othe…andi Rumunia si man mi baba, haj mo papos mulo, li me dajakoro haj li me dadeskoro… Athe kana na dzanesa chhipota jekh vorba si uruto, kana na dzanes i vorba ande germana. Sar eksemplo, si man jekh amalin athe kaj avel butivar pe babate haj si arabojka haj dzanel li germana, haj li ame dzanas, ama ame na dzanas perfekto de tot germana, ame dzanas maj but romani, haj dake phenasa lake akana, sar eksemplo dake xaljam tokana, na dzanas sar buchhjol andi germana haj voj ni xatjarel haj adaleske nana chajljol man…. Adalkhake fal mange zalaga pharo andi Germania, ando Berlinos … Kana si te ovav maj bari na-i te maj fal mange kadja, si te sikljav maj shukar i germanikani chhib…

 

•Ich bin Estera, 10 Jahre alt, bald werde ich 11. Ich komme aus Rumänien, dort bin ich geboren, dort ist meine Oma, meine Tante, die Schwägerin von meiner Mutter – der Bruder von meiner Mutter ist gestorben…sie hat auch in Deutschland gewohnt aber er ist gestorben. Wir haben ein Haus in Rumänien, da haben wir mit unserer Oma gewohnt, dort in Fântânele ist es schöner. Meine Oma kann mich hier nicht besuchen, aber ich fahre zu ihr. Ich habe nur einen Bruder, er ist älter als ich, 15 Jahre alt und wird am 26. Oktober 16. Meine Freundinnen heißen Ana und Raisa, sie wohnen auch in Berlin, in Rumänien habe ich zwei Freundinnen… aber meine beste Freundin ist Ana. Ich will Ärztin werden und in einem Krankenhaus arbeiten, Wir drei, ich Ana und Raissa wollen alle Ärztin werden… ich mag auch malen und schreiben. Mit meiner Mutter spreche ich wie mit dir Romanes, in der Schule spreche ich Deutsch und mit meiner Oma in Rumänien spreche ich auch Romanes, Rumänisch spreche ich nicht so gut… ich verstehe es, aber… Du, Mihaela, hast uns in unserem Block besucht und dann zu Kulturen im Kiez mitgenommen. Wir machen sonst nicht viel… wir sind meistens drinnen oder wir sind ein bisschen draußen vor unserm Haus und gehen dann wieder rein…es gibt sonst hier nichts wo wir hingehen können… Vor Corona waren wir immer nur zuhause…nur du hast was mit uns gemacht, wir gehen nicht weg, und gehen auch nicht lang raus, weil es da nichts gibt, wir gehen nur zum Müll im Hof und da ist es ein bisschen eklig… Berlin mag ich, aber nicht so, ich wäre lieber in Rumänien bei meiner Oma und meinen Freundinnen… Meine Oma ist noch da aber mein Opa ist gestorben, der Vater von meiner Mutter. Und der von meinem Vater ist auch gestorben… Hier wenn du was nicht weißt ist es peinlich – wenn du ein deutsches Wort nicht weißt. Ich habe hier zum Beispiel eine Freundin die oft ihre Oma besucht, sie ist arabisch und spricht gut deutsch, wir sprechen auch deutsch, aber wir können es nicht so gut, wir können besser Romanes, und wenn wir was sagen wollen zum Beispiel “ich habe Suppe gegessen” und wir nicht wissen wie wir es in Deutsch sagen sollen, versteht sie uns nicht, das gefällt mir nicht… deshalb bin ich nicht so gern hier in Berlin… wenn ich größer bin ist es anders, dann kann ich es besser.

RAISA

•Me sem i Raisa, si man 8 bersha thaj kerav ande julia 9. Khere phenel pes mange Raiso haj ki shkola phenel pes mange Raisa (o a palal). Si man duj phenja haj duj phrala  thaj manca sam 5 chhave totalo/ savore. Me biandiljom ando Neukoln haj avilem kathe ando Wedding, miro phral biandilo andi Rumunia kothe ando gav Fantanele. Me dav duma romanes, ama me biandilem ando Berlinos, dav duma vi rumunikanes haj germana. Maj but dav duma romanes vi ande Germania, vi ande Rumunia. Andi Rumunia dav duma mire amalinenca, mire babasa, mire verishorenca… Si man amalina vi kathe vi andi Rumunia, e maj lachhe amalina si andi Rumunia. Ando Berlino I Ana si miri verishora, deci i Estera si miri amalin, i Ana si miri verishorai maj lachhi. Ki shkola si man germanke amalina, den duma germana. Kathe ando Berlino si man miro dad thaj miri daj, ama miri baba si ande Romania. Phendjas mi daj kana si amen vakanca katar i shkola, ovela dzas andi Romania… Mo dad phendjas te kerav man doktorica haj mi daj phendjas te kerav man modelo kaj sikavel i moda. Haj ni dzanav so si te alosarav, doktorica vaj modelo… na dzanav, ama doktorica si shukar ke kana si vareso mire familiasa dashti me te sastjarav len… Maj kamav te ovel li man jekh birouo, maj anglal mangavas te ovav avokata, haj ni maj mangav… Ki shkola mangav i matematika, o deseno, i muzika kamav but haj o danso. Me mangav te dzivav maj but kothe ando Fântânele, soske kothe si sasti familia miri, kathe ando Berlino kana na dzanes but mishto i germana thaj kames te phenes vareso nashti… si pharo… Trebul te maj sikljas… Ando Berlino ame dzas ke bankice thaj beshas maj but thaj das amenge duma mashkar amende, pal kado dzas ando kher te xas thaj si amen shkola, trebal te keras e lekcie… Kana khelasas amenge savore chhave, savoro bloko chhavengo, atoska sas maj shukar… man na chajlilo man kana aven e  rakhlja kaj asanas amendar…

•Ich bin Raisa, 8 Jahre alt, im Juli werde ich 9. Zuhaus sagen alle Raiso zu mir und in der Schule nennen sie mich Raisa mit a. Ich habe zwei Schwestern und zwei Brüder, mit mir sind wir fünf. Ich bin in Neukölln geboren und nach Wedding gezogen, mein Bruder ist in Rumänien geboren, in Fântânele. Ich spreche Romanes aber ich bin in Berlin geboren, ich spreche auch Rumänisch und Deutsch. In Deutschland und Rumänien spreche ich meistens Romanes, mit meinen Freundinnen, meiner Oma, meinen Cousinen. Ana ist meine Berliner Cousine, Estera ist meine Freundin aber Ana ist meine beste Cousine. In der Schule habe ich deutsche Freundinnen, sie sprechen deutsch. Hier in Berlin sind mein Vater und meine Mutter, aber meine Oma ist in Rumänien. Meine Mutter hat gesagt, dass wir in den Ferien vieleicht nach Rumänien fahren… Mein Vater meint, dass ich Ärztin werden soll aber meine Mutter Model, ich weiß nicht was, Ärztin oder Model… ich weiß nicht, aber Ärztin ist besser. Wenn jemand von meiner Familie krank ist, bin ich dann da und kann gesund machen… Ich hätte auch gerne in richtiges Büro, früher wollte ich Anwältin sein, aber jetzt nicht mehr… Ich mag Rechnen in der Schule und Malen, Musik mag ich gern und Tanzen. Ich will lieber in Fântânele wohnen weil da meine ganze Familie ist, hier in Berlin wenn du nicht gut Deutsch kannst und du etwas sagen willst, kannst du es nicht…  das ist blöd… wir müssen noch viel lernen… Vor unserem Block spielen wir bei den Bänken, manchmal sitzen wir auch da und reden miteinander, dann gehen wir wieder rein und lernen, wir müssen viel Hausaufgaben machen. Am schönsten ist es, wenn alle Kinder von unserem Block draußen spielen. Aber ich mag nicht wenn andere Kinder kommen und über uns Romakinder lachen…

IASMINA MAGDA

 •Me sem i Iasmina Magda si man 10 bersha, ame sam 7 phrala thaj phenja. Me sem andi shtarto klasa ko Gottfried-Röhl-Grundschule thaj biandilem andi Rumunia, sas man 5 bersha kana avilem ando Berlino. Me dav duma Engleza, Romana, Romani thaj Germana, shtar. Ama maj mishto dav duma Romani thaj Germana. Khere dav duma romanes mire dajasa, dadesa thaj mire phralenca thaj Germana dav duma ki shkola thaj jekh cira khere… Romana ni dau duma khanikasa, samo tusa… Andi Rumunia si man miri baba, thaj si man li verishores othe… dzav andi Rumunia ando Avgusto, na dzanav kana shaj dzas vaj na… Andi shkola me mangav matematika thaj arte, te kerav deseno, sporto… Ando Berlino na dzanav so mangav… Maj but mangav kathe (Kulturen imi Kiez) … Kothe ande soba le chhajengi kaj makhljam amare muja, shundjam muzika, kheldjam… Mangav te aresav sikljarni vash i arta vaj sikljarni vash o sporto… Me sem sar mi daj pentikostalo, ama nashti ame e chhave te dzas ke kidimata andar i Korona, samo e bare manusha… Ando bloko si man amalina andar o Bachoi, andar i Rumunia, ki shkola na si man, prindzarav chhave ama na-i mire amala, na dzanav soske… Si pharo ke na-i man amala but kathe thaj ni ande Romania na-i man ke na maj semas kothe… andi Rumunia si maj bari i karantina, si mange maj mishto andi Germania, kathe na-i kadja bari…

•Ich heiße Iasmina, ich bin zehn und habe sieben Brüder und Schwestern. Ich bin in der vierten Klasse in der Gottfried-Röhl-Grundschule und bin in Rumänien geboren, ich war fünf als wir nach Berlin gekommen sind. Ich kann Englisch, Rumänisch, Romanes und Deutsch, vier Sprachen. Aber am Besten kann ich Romanes und Deutsch. Mit meiner Mutter spreche ich Romanes, mit meinem Vater und meinen Geschwistern auch, Deutsch spreche ich in der Schule, nur rein bisschen zuhause… Rumänisch spreche ich eigentlich mit niemand. Nur manchmal mit dir, Mihaela… In Rumänien wohnt meine Oma und zwei Cousinen… wir wollen im August nach Rumänien fahren aber wissen nicht ob es klappt… In der Schule mag ich Mathematik und Kunst. Ich weiß nicht was mir in Berlin gefällt, aber den Mädchenraum von dir mag ich, da haben wir unsere Gesichter geschminkt, wir haben Musik gehört und gespielt. Ich will Kunstlehrerin werden oder Sportlehrerin… Ich gehe in eine Pfingstkirche wie meine Mutter, aber wir Kinder dürfen nicht mehr mitgehen wegen Corona, nur die Erwachsenen dürfen… In unserem Wohnblock habe ich Freundinnen aus Băcioiin, Rumänien, aber in der Schule habe ich keine Freundinnen. Ich kenne andere Mädchen –  aber das sind nicht meine Freundinnen, ich weiß nicht warum… es ist so, ich habe hier nicht viele Freundinnen und in Rumänien auch nicht, weil ich schon lange nicht mehr dort war… In Rumänien ist die Quarantäne schlimmer, in Deutschland ist es besser, der Lockdown ist nicht so schwer…

NAOMI

•Me sem i Naomi si man 6 bersha, si man duj phrala haj trin phenja, savore sam 5 thaj mo dad thaj mi daj, sam 7. Me dav duma romana mire verishorasa i Adi thaj me dajasa thaj me dadesa, romana, romanes… Ki shkola kerav me temes, xav, pjav, dikhav ke vacatorica thaj ki tabla, ke shkola borizav deutsch. Si man but amalina ando Neukoln… Me biandilem ando Berlino haj andi Rumunia si man mi verishora thaj mire phure. Ando Berlino me mangav te beshav maj but kathe tute… soske tu les amen, anes amen, khelas amenge… Mangav but kathe kaj kheldeam, kaj avilo o Mos Craciun… Akana ni maj khelav, sem pokaime, phendjas mi daj thaj mo dad, ama kamav o danso thaj vi i muzika… Kana si te ovav bari me mangav te kerav buti ande policia…

•Ich heiße Naomi , bin 6 Jahre alt und habe zwei Brüder und drei Schwestern, zusammen sind wir fünf und mit Mama und Papa sind wir sieben. Mit meiner Cousine Adi spreche ich Rumänisch und mit meiner Mama und meinem Papa Romanes und Rumänisch. In der Schule lerne ich und esse und trinke und höre meinem Lehrer zu, da spreche ich Deutsch. Ich habe zwei Freundinnen in Neukölln… ich bin in Berlin geboren und habe eine Cousine und meine Großeltern in Rumänien. In Berlin mag ich am liebsten dein Büro, Mihaela… weil du uns mitnimmst, uns herbringst, und wir zusammen was spielen. Ich mag das hier so…. weil wir Spaß haben, und einmal ist der Weihnachtsmann gekommen… aber jetzt darf ich nicht mehr tanzen weil meine Mutter und mein Vater gesagt haben, dass ich getauft bin –  aber ich mag Musik und tanze gern. Wenn ich älter bin will ich Polizistin werden…

IESHUA

•Me som o Ieshua, si man 8 bersha thaj sem andi 2-to klasa ko Gotfried-Röhl-Grundschule. Ki shkola dav duma Deutsch haj Romenish, miri sikljarni dzanel romenish. Khere dav duma romanes. Ames sam 4 phrala, jekh chhavo tiknoro thaj duj chhaja i Ana haj i Miriam, duj chhave haj duj chhaja. Khere ando blokos  thaj vi ki shkola si man amala. Me kerdilem ande Germania, dikhav man me verjenca, na ande Romania, semas kothe dujvar, trinvar. Si man familia, ta amala na… Si man othe me verja, mo dad dzal kothe haj khelav mange me verjenca. Me andi shkola mangav Mate, Deutsch, Sporto thaj deseno. I muzika haj o danso maj cira… Na dzanav so mangav te aresav kana si te ovav baro, mangav te khelav mange… Maj lachho amal miro si o Timotei.

•Ich bin Jeshua und 8 Jahre alt. Ich gehe in die zweite Klasse Gottfried-Röhl-Grundschule. In der Schule spreche ich Deutsch und Rumänisch –  weil meine Lehrerin rumänisch kann. Zuhause spreche ich Romanes. Wir sind vier Kinder, zwei Jungs und zwei Mädchen, ein kleiner Bruder und zwei Schwestern Ana und Miriam. Ich habe Freunde in unserem Wohnblock und in der Schule. Ich bin in Deutschland geboren, ich treffe meine Cousins –  aber nicht in Rumänien, dort war ich nur zwei oder drei mal. Dort wohnt meine Familie, aber ich habe da keine Freunde… ich habe dort Cousins, wenn mein Vater nach Rumänien fährt komme ich mit und spiele mit meinen Cousins. In der Schule mag ich Mathematik, Deutsch, Sport und Malen. Musik und Tanzen mag ich nicht so… Ich weiß nicht was ich werden will wenn ich älter bin, ich will nur spielen. Mein bester Freund ist Timotei.

TIMOTEI

•Me sem o Timotei, si man 8 bersha, sem andi 2-to klasa ko Gottfried-Röhl-Grundschule thaj mangav Fotbalo thaj Deutsch, mate. Maj mishto dav duma deutsch pakjav… me biandilem ando Deutschland,  i Larisa mi phen  thaj o Jeremias mo phral kerdile andi Rumunia. Ame sam 7 phrala. Andi Rumunia si man miri baba, thaj mangav te dzav te dikhav lan. Na-i man amala kothe, ama si man kothe dzukela, pandz dzukela… ando Berlino na-i man dzukela. Miro amal si o Ieshua vov si kathe ando Berlino, si manca andi klasa thaj maj si jekh chhaj, I Sefora. Me mangav but o fotbalo thaj khelav le Ieremiasa tha le Ieshuasa.

•Ich bin Timotei. Ich bin 8 Jahre alt und in der zweiten Klasse Gottfried-Röhl-Grundschule und ich mag Fußball, Deutsch und Mathe. Ich spreche am besten Deutsch… ich bin in Deutschland geboren, meine Schwester Larisa und mein Bruder Ieremia in Rumänien. Wir sind sieben Kinder. Meine Oma wohnt in Rumänien und ich will sie dort besuchen. In Rumänien habe ich keine Freunde aber fünf Hunde… in Berlin habe ich keinen Hund. Mein Freund heißt Jeshua, der wohnt auch in unserem Block und ich bin mit ihm in einer Klasse Wir haben noch ein Mädchen aus Rumänien in unserer Klasse. Sie heist Sefora. Ich mag Fußball, ich kicke gern mit Ieremia und Jeshua.